Hydrangea ပန်းရဲ့ origin ကိုတော်တော်များများက ဂျပန်လို့လက်ခံထားကြပါတယ်။ ဂျပန်အပြင် ကိုရီးယား၊ တရုတ်မှာလည်း အများအပြား တွေ့ရတယ်။ ဂျပန်နိုင်ငံမှာဆိုရင် Hydrangea ကတော်တော်လေးအရေးပါတဲ့ပန်းလေးပါ။ သူ့တို့က နက်ရှိုင်းတဲ့ခံစားချက်တွေ ၊ နားလည်ပေးမှုအတွက် ကျေးဇူးတင်တာနဲ့ တောင်းပန်တာတွေကို ကိုယ်စားပြုတယ်လို့ ဂျပန်တွေက သတ်မှတ်ထားကြပါတယ်။ ဒါကလဲ ဂျပန်ဧကရာဇ်တစ်ပါးက သူချစ်တဲ့မိန်းကလေးကို တိုင်းရေးပြည်ရေးတွေပဲအာရုံစိုက်မိနေပြီး သူမကိုဂရုမစိုက်ပေးနိုင်ခဲ့တာတွေအတွက် တောင်းပန်တဲ့အနေနဲ့ Hydrangea ပန်းလေးကို ပေးခဲ့တဲ့အတွက်ပါ။

ပန်းမျိုးစိတ်ကွဲ (၇၅)မျိုးလောက်ရှိတယ်။ Hydrangea ရဲ့ color range က အဖြူ၊ အပြာကနေ ခရမ်းရောင်၊ ပန်းရောင် အထိဖြစ်ပါတယ်။ စိုက်ပျိုးတဲ့မြေသားရဲ့ acidity levelအပေါ်မူတည်ပြီး ပွင့်တဲ့အရောင် ကွာခြားပါတယ်။

အရောင်အလိုက် အဓိပ္ပာယ်တွေပြောရရင် ပန်းရောင်ကို နက်ရှိုင်းတဲ့ခံစားချက်တွေကိုဖော်ပြရာမှာသုံးပါတယ်။ ပန်းရောင် Hydrangea က နှလုံးပုံစံနဲ့ဆင်တူတာဖြစ်တဲ့အတွက် ဒီအဓိပ္ပာယ်အတွက်တကယ်ကို လိုက်ဖက်တယ်လို့ တော်တော်များများကလဲ ခံယူကြပါတယ်။ အပြာရောင်ကတော့ တောင်းပန်ခြင်းနဲ့ နောင်တရတယ် ဆိုတာကိုပြောချင်တဲ့အခါ ပေးကြပါတယ်။ခွင့်လွှတ်ဖို့တောင်းခံရာမှာလည်းအသုံးပြုပါတယ်ရှင်။ အဖြူရောင်ကတော့ မိမိကိုယ်ကိုအထင်ကြီးခြင်းဆိုတဲ့ အဓိပ္ပာယ်ကိုသယ်ဆောင်ပြီး သန့်စင်မှုကိုလည်း ဆောင်ပါတယ်။ ခရမ်းရောင်ကတော့ နှစ်ဦးကြားနားလည်မှုတည်ဆောက်လိုခြင်းပါ။

🍀 သဘာဝ ပန်းလေးတွေကို ကိုယ့်ဘာသာ အခြောက်ခံရင် အနည်းဆုံး တစ်ပါတ် ကြာပါတယ်။ အခြောက်ခံပြီးသား ပန်းလေးတွေ မကြွေဘဲ မာမာလေး ဖြစ်အောင် ဖန်တီးချိန် ၃ ရက် အချိန်ယူပါတယ်။ သဘာဝကျကျ အကြောလေးတွေပါ မြင်နေရတဲ့ ချစ်စရာ Hydrangea ပန်းလေးတွေ လက်ဝတ်ရတနာအဖြစ် ဝတ်ဆင်ချင်ရင် Hers Jewel and Handmade မှာ order မှာလို့ရပါတယ်ရှင့်။